Վեհափառի եղբոր՝ Գևորգ Ներսիսյանի կալանքը ևս 2 ամսով երկարաձգվել է
Ամենայն Հայոց Կաթողիկոս Գարեգին Բ-ի եղբոր՝ Գևորգ Ներսիսյանի կալանքը դատարանը ևս 2 ամսով երկարաձգել է: Տեղեկությունը փոխանցել է փաստաբան Արա Զոհրաբյանը։ Նա որոշումն անհիմն է որակել:
Անցյալ տարվա նոյեմբերին Արա Զոհրաբյանը հայտնել էր, որ քննչական մարմինը 68-ամյա Գևորգ Ներսիսյանին և որդուն՝ Համբարձում Ներսիսյանին, կալանավորման նպատակով դատարան տանելու համար ձերբակալելու որոշում է կայացրել։
Ներսիսյանը մեղադրվում է «Վաղարշապատ խոշորացված համայնքում նախընտրական քարոզչությանը խոչընդոտելու» համար, որն, ի դեպ, ըստ փաստաբանի հանրայնացրած տեսանյութերի, չէր հաստատվում:
