Հենրիխ Մխիթարյանը՝ Ուկրաինայի լավագույն ֆուտբոլիստ
Հայաստանի հավաքականի և «Շախտյորի» կիսապաշտպան Հենրիխ Մխիթարյանը ուկրաինացի լրագրողների քվեարկության արդյունքում ճանաչվել է Ուկրաինայի լավագույն ֆուտոլիստ:
«Спорт-аренa» կայքի կազմակերպած հարցմանը մասնակցել է Ուկրաինայի առաջատար լրատվամիջոցների 103 լրագրող:
Հարցման արդյունքում Մխիթարյանը առավելագույն թվով ձայներ է ստացել. 62 առաջին տեղ, 11՝ երկրորդ եւ 7՝ երրորդ, և վաստակելով 215 միավոր, զգալիորեն առաջ է անցել իր թիմակից Ֆերնանդինյոյից, որը հավաքել է 123 միավոր (27-15-12): Երրորդ տեղում «Մետալիստի» կիսապաշտպան Կլեյտոն Շավյերն է՝ 112 միավոր (8-33-22)
Լավագույն մարզիչ է ճանաչվել «Մետալիստի» գլխավոր մարզիչ Միրոն Մարկևիչը, որի ղեկավարությամբ թիմը Ուկրաինայի առաջնությունում գրավեց 2-րդ տեղը՝ իրենից ետ թողնելով Կիևի «Դինամոյին»: Մարկևիչը վաստակել է 227 միավոր: Ընդամենը 2 միավորով է նրան զիջել «Շախտյորի» գլխավոր մարզիչ Միչա Լուչեսկուն՝ 225 միավոր: Երրորդը «Կրիվբասի» մարզիչ Օլեգ Տարանն է:
