Բժիշկը խորհուրդ է տալիս սրտի առողջության համար այս երեք մրգերը ներառել սննդակարգում
Սրտաբան Աուրելիո Ռոխասը խորհուրդ է տվել ձմեռային սննդակարգում ներառել երեք միրգ՝ առողջությունը բարելավելու համար: Բժշկի խոսքերը մեջբերում է Deia հրատարակությունը:
Ռոխասը կոչ է արել մարդկանց ցուրտ եղանակին ամեն օր խնձոր ուտել, քանի որ դրանք հարուստ են մանրաթելերով, որոնք իջեցնում են արյան մեջ խոլեստերինի մակարդակը: Խնձորն օգնում է նաև արյան մեջ շաքարի մակարդակի նորմալացմանը:
Նարինջը, շարունակել է բժիշկը, հարուստ է C վիտամինով և ֆլավոնոիդներով: Այն ամրապնդում է իմունային համակարգը, նվազեցնում է օրգանիզմում բորբոքումները և բարելավում է անոթային առողջությունը: Կիվիի ներառումը սննդակարգում կօգնի վերահսկել արյան ճնշումը և բարելավել սրտի առողջությունը, հավելել է մասնագետը:
