Բժիշկները սրտի հիվանդությունների ռիսկը նվազեցնելու համար նախաճաշի երեք տարբերակ են առաջարկել
Սրտաբաններ Կումար Սարկարը, Արլեն Բարսեղյանը և Դիանա Ստեյտիեն հայտարարել են, որ սնունդը զգալի ազդեցություն ունի սրտի առողջության վրա: La Razon-ին տված հարցազրույցում նրանք առաջարկել են նախաճաշի երեք տարբերակ՝ սրտանոթային հիվանդությունների ռիսկը նվազեցնելու համար։
Սարկարը խորհուրդ է տվել նախաճաշին եփած ձվով լցոնված լավաշով ռոլլեր ուտել: Բժիշկն առաջարկել է ռոլլերին ավելացնել կտրատած հնդկահավ, կես ավոկադո և մի քիչ ռուկոլա: Վերջինս բացատրել է, որ այս ուտեստը հարուստ է սպիտակուցներով և մանրաթելերով և պարունակում է առողջ ճարպեր, որոնք կարգավորում են արյան մեջ խոլեստերինի մակարդակը:
Ստեյտիեն խորհուրդ է տվել առավոտյան ավոկադոյով թոստ պատրաստել։ Նա կոչ է արել ընտրել ամբողջական հացահատիկի հաց, քանի որ այն պարունակում է ավելի շատ սննդարար նյութեր, քան սովորական հացը։ Այն նաև օգնում է կանխել արյան մեջ շաքարի մակարդակի կտրուկ բարձրացումը։
Բարսեղյանն իր հերթին նշել է, որ չիայի սերմերից պատրաստված պուդինգը նախաճաշի լավագույն ընտրությունն է։ Ձեզ անհրաժեշտ է միայն չիա սերմեր և սովորական կամ բուսական կաթ։ Բոլոր բաղադրիչները խառնելուց հետո պուդինգը որոշ ժամանակով արժե դնել սառնարանը:
