ԱԱ-2026-ը կլինի վերջինը իմ կարիերայում. Ռոնալդու
Պորտուգալիայի հավաքականի ավագ, սաուդյան «Ալ Նասրի» 40-ամյա հարձակվող Կրիշտիանու Ռոնալդուն կմասնակցի 2026թ․ աշխարհի առաջնությանը, որը կլինի վերջինը նրա կարիերայում, հաղորդում է AS-ը։
«Այո, ճիշտ է, որ հաջորդ տարվա աշխարհի առաջնությունը կլինի վերջինը իմ կարիերայում։ Ես պարզապես վայելում եմ պահը»,- ասել է Ռոնալդուն Սաուդյան Արաբիայում անցկացվող տուրիստական ֆորումի ժամանակ։
2026թ․ աշխարհի առաջնությունը կանցկացվի հունիսի 11-ից հուլիսի 19-ը ԱՄՆ-ում, Կանադայում եւ Մեքսիկայում։ Առաջին անգամ կմասնակցի 48 հավաքական։
