Վուչիչը չի շնորհավորել Պուտինին ծննդյան օրվա կապակցությամբ

Սերբիայի նախագահ Ալեքսանդր Վուչիչը կրկին չի շնորհավորել Ռուսաստանի նախագահ Վլադիմիր Պուտինին ծննդյան օրվա կապակցությամբ։ Այս մասին հաղորդում է Lenta.ru-ն։

Սերբիայի նախագահի մամուլի ծառայության կայքում, սոցիալական ցանցերի նրա անձնական էջերում և Սերբիայի գլխավոր լրատվամիջոցներում որևէ հաղորդագրություն չկա այն մասին, որ Վուչիչը շնորհավորել է Պուտինին 73-ամյակի կապակցությամբ։ Սերբական Danas հրատարակությունը հայտնել է, որ սերբ առաջնորդը 2024 թվականին առաջին անգամ չի շնորհավորել իր ռուս գործընկերոջը ծննդյան օրվա կապակցությամբ։ Սա երկրորդ դեպքն է:

Lenta.ru-ն հարցում է ուղարկել Սերբիայի նախագահի վարչակազմին այս հարցի վերաբերյալ, սակայն դեռևս պատասխան չի ստացել։