Եվրոպական մի քանի օդանավակայան ենթարկվել է կիբերհարձակման
Եվրոպական մի քանի օդանավակայաններ տուժել են կիբերհարձակումից, որը կաթվածահար է արել գրանցման համակարգերը:
Այս մասին «ՌԻԱ Նովոստի»-ին հայտնել են Բրյուսելի միջազգային օդանավակայանից:
Ավելի վաղ Բրյուսելի «Զավենտեմ» օդանավակայանը հայտնել էր, որ իր ուղևորների գրանցման և նստեցման համակարգերի ծառայություններ մատուցողը ենթարկվել է կիբերհարձակման, որի արդյունքում օդանավակայանում գրանցումն իրականացվում է միայն ձեռքով, հնարավոր են չվերթների հետաձգումներ և չեղարկումներ:
Ըստ աղբյուրի՝ կիբերհարձակումն ազդել է մի քանի եվրոպական օդանավակայանների վրա:
