Կուրիլյան կղզիներում 10 զբոսաշրջիկ է կորել
10 հոգուց բաղկացած զբոսաշրջային խումբը կապի դուրս չի եկել Կուրիլյան կղզիների Բարանսկու հրաբխի շրջանում, հայտնել է Սախալինի մարզի Կուրիլսկի քաղաքային օկրուգի ղեկավար Կոնստանտին Իստոմինը։
Ըստ նրա, որոնողական աշխատանքների համար ներգրավվել են փրկարարներ, ՆԳՆ աշխատակիցներ և օկրուգի վարչակազմի ներկայացուցիչ։
«Ներկայումս որոնումներում ներգրավված է 6 մարդ։ Իրավիճակն իմ անձնական վերահսկողության տակ է», – ավելացրել է Իստոմինը։
Ավելի ուշ նա հայտնել է, որ ավելի վաղ անհետացած զբոսաշրջիկների խմբի որոնումները շարունակվում են։
«Ցավոք, եղանակային բարդ պայմանները՝ ցածր ամպամածությունը, մաղող անձրևը և խիտ մառախուղը, լրջորեն դժվարացնում են որոնողական աշխատանքների իրականացումը», – պարզաբանել է Կուրիլսկի քաղաքային օկրուգի ղեկավարը։
