Ադրբեջանում ավտովթարի հետևանքով զոհվել է 5 զինծառայող
Ադրբեջանական Trend լրատվական գործակալության փոխանցմամբ՝ Ադրբեջանում ավտովթարի հետևանքով զոհվել է 5 զինծառայող: Ներքին զորքերին պատկանած միկրոավտոբուսը վթարի է ենթարկվել Խուդատ քաղաքի մոտ՝ բախվելով ծառի:
Այս մասին հայտարարել է Պետական ճանապարհային ոստիկանության գլխավոր վարչությունը: Վերջինիս հաղորդմամբ՝ ևս երկու զինծառայողի առողջական վիճակը գնահատվում է ծանր: Վթարի հետ կապված՝ հարուցվել է քրեական գործ: Տարվում է հետաքննություն:
