Կանանց ֆուտբոլի ազգային ընտրանին ավարտեց ելույթներն Ազգերի լիգայում
ՈւԵՖԱ կանանց Ազգերի լիգայի վերջին տուրում Հայաստանի ազգային հավաքականը հյուրընկալվել էր Լիխտենշտեյնի ընտրանուն:
Առաջին խաղակեսն ընթացավ հավասար պայքարում, թիմերն ընդմիջման գնացին 1:1 հաշվի պայմաններում:
Երկրորդ խաղակեսում թիմերը ևս մեկական գնդակ փոխանակեցին՝ հանդիպումն ավարտելով 2:2 հաշվով: ՈւԵՖԱ կանանց Ազգերի լիգայի խաղարկությունում կանանց Հայաստանի ազգային հավաքականը 6 միավորով զբաղեցրեց երրորդ հորիզոնականը: Վաստակելով 16 միավոր՝ խմբում առաջին տեղը զբաղեցրեց Լյուքսեմբուրգը, երկրորդ տեղում 10 միավորով Ղազախստանի ընտրանին է: 1 միավորով խմբում վերջին հորիզոնականը զբաղեցրեց Լիխտենշտեյնը:
