Վրաստանը մամուլի ազատության ինդեքսում 11 հորիզոնականով նահանջել է
«Լրագրողներ առանց սահմանների» (RSF) միջազգային կազմակերպության կազմած 2025 թվականի մամուլի ազատության համաշխարհային ինդեքսի համաձայն՝ Վրաստանը նահանջել է 11 հորիզոնականով և 180 երկրների շարքում զբաղեցնում է 114-րդ տեղը։ Այս մասին գրում է aliq.ge-ն։
«Պաշտոնական միջամտությունը խաթարում է մամուլի ազատության բարելավման ջանքերը: Անկախ և ընդդիմադիր լրատվամիջոցների նկատմամբ միջավայրը շարունակում է թշնամական մնալ, իսկ լրագրողների վրա բանավոր և ֆիզիկական հարձակումներն աճում են»,- նշված է RSF-ի զեկույցում։
Ըստ զեկույցի` «օտարերկրյա ազդեցության» և «ընտանեկան արժեքների» մասին օրենքների ընդունումը մարգինալացնում է լրագրողներին, նրանց ենթարկում է գրաքննության սպառնալիքի և նվազեցնում խոսքի ազատության տարածքը։
