Ադրբեջանում խստացվում են վարչական պատիժները
Ռուսական Regnum լրատվական գործակալության փոխանցմամբ՝ Ադրբեջանում խստացվում է հասարակական կարգը պահպանողներին չենթարկվելու համար սահմանված պատժաչափը:
Ադրբեջանի խորհրդարանի՝ իրավական քաղաքականության ու պետականաշինության հանձնաժողովն այսօր հավանության է արժանացրել վարչական հանցագործությունների վերաբերյալ Քրեական օրենսգրքի 310-րդ հոդվածով ուղղումներ կատարելը:
310-րդ հոդվածում կատարվելիք ուղղումներով նախատեսվում է հասարակական կարգ պահպանող ոստիկանի կամ զինվորականի օրինական պահանջներին չենթարկվելու համար սահմանված վարչական ձերբակալման ժամկետը ներկայիս 15 օրից հասցնել մեկ ամսվա:
Օրինագիծը ներկայացվելու է խորհրդարանի լիագումար նիստի դիտարկմանը:
