Իրանի արտգործնախարարն այցելել է ԱՄԷ «տարածաշրջանի վերջին զարգացումներին» ծանոթանալու համար
Իրանի արտաքին գործերի նախարար Աբաս Արաքչին Չինաստան կատարած պաշտոնական այցից հետո Թեհրան վերադառնալիս Դուբայում հանդիպել է իր էմիրաթցի գործընկերոջ հետ:
Իրանի արտգործնախարարության խոսնակ Էսմայիլ Բաղային կիրակի օրը հայտնել է, որ Արաքչին Չինաստանից Թեհրան վերադառնալու ճանապարհին կարճ ժամանակով կանգ է առել Դուբայում։
Խոսնակը նշել է, որ Իրանի արտաքին գործերի նախարարը Դուբայ է այցելել իր էմիրաթցի գործընկեր Աբդուլլահ բեն Զայեդ Ալ Նահայանի հրավերով «տարածաշրջանում վերջին զարգացումներին ծանոթանալու համար»։
Տարածաշրջանի սահմաններից դուրս որպես Իրանի արտաքին գործերի նախարար իր առաջին պաշտոնական այցով Արաքչին շաբաթ օրը Պեկինում հանդիպել է Չինաստանի արտգործնախարար Վան Իի հետ:
