Չեղարկվել են Աթենքից, Վարշավայից և Վիեննայից ժամանող չվերթները
Երևանի «Զվարթնոց» օդանավակայանում այսօր մի շարք չվերթներ վայրէջք չեն կատարել․ պատճառը եղանակային անբարենպաստ պայմաններն են՝ խիտ մառախուղը։ Ըստ չվացուցակի, Աթենքից, Վիեննայից ու Վարշավայից չվերթները, որ պետք է «Զվարթնոցում» վայրէջք կատարեին ժամը 4-5-ի սահմաններում, չեղարկվել են, իսկ մի քանիսի դեպքում էլ, ըստ չվացուցակի, ուշացում է։
Քաղավիացիայի կոմիտեից հայտնել են, որ «Զվարթնոց» օդանավակայանում 8 ինքնաթիռ վատ տեսանելիության պատճառով չի կարողացել վայրէջք կատարել, նրանք ուղարկվել են պահուստային օդանավակայաններ։
