Գրողներն ու հրատարակիչները ներկայացրեցին իրենց հետագա անելիքները (լուսանկարներ)
Օրերս Artbridge գրախանութ-սրճարանում կազմակերպվել էր միջոցառում, որը «Երևանը՝ 2012թ. գրքի համաշխարհային մայրաքաղաք» լինելուն նվիրված միջոցառումների շարունակությունն էր:
Երեկոյի ընթացքում տեղի ունեցավ «Զանգակ» հրատարակչության գրքերի շնորհանդեսը, գրողներ Արամ Պաչյանը, Հրաչյա Սարիբեկյանը և Հովհաննես Թեգյոզյանն ընթերցեցին իրենց նոր, դեռևս չհրապարակված ստեղծագործություններից հատվածներ: Արմեն Օհանյանն («Կիկոսի վերադարձը)» ու Արմինե Անդան («Անկիմյուրի բնակիչները») ընթերցեցին իրենց գրքերը, իսկ գրականագետ Արքմենիկ Նիկողոսյանը ներկայացրեց «Անտարես» հրատարակչության հետագա անելիքները: Հանդիպումը եզրափակեց «Բամբիռ» ռոք խումբը:
