Բախումներ Իսահակյան-Բաղրամյան խաչմերուկի մոտ
Ազատության հրապարակից դեպի Բաղրամյան պողոտա շարժվող հանրահավաքի մասնակիցներին Օպերայի շենքի մոտ դիմավորեցին ոստիկանները, որոնք փորձում էին արգելել նրանց առաջ գնալ: Սակայն ժողովրդին մի կերպհաջողվեց առաջանալ, բայց Իսահակյան-Բաղրամյան խաչմերուկում նրանց սպասում էին մի քանի շարքով կանգնած ոստիկանները: Հենց այստեղ բախումներ սկսվեցին ժողովրդի և ոստիկանների միջև:
«Ժառանգության» ներկայացուցիչները հորդորում են ժողովրդին բախումների չգնալ ոստիկանների հետ՝ նրանց հանդարտության կոչ անելով, սակայն այս պահին դեռևս իրավիճակը լարված է:
Երկու կողմից հրում են իրար, ոստիկանները՝ ժողովրդին, ժողովուրդը՝ ոստիկաններին՝ փորձելով առաջ շարժվել:
Ոստիկանների հրմշտոցների պատճառով մի երիտասարդ ուշագնաց եղավ, ում արագ հեռացրեցին տարածքից: Այնտեղ են նաև Նիկոլ Փաշինյանը և Անդրիաս Ղուկասյանը:
Ուղիղ հեռարձակումը Բաղրամյան պողոտայից կարող եք դիտել այստեղ.
