Նախնական տվյալներով Իրանում երկրաշարժից զոհվել է 3 մարդ. կան ավերածություններ
Իրանական Fars լրատվական գործակալության փոխանցմամբ՝ այսօր Բուշեհրի նահանգում գրանցված երկրաշարժի հետևանքով նախնական տվյալներով զոհվել է երեք մարդ:
Երկրաշարժից ամենաշատը տուժել է Շոմբե քաղաքը, որի վրա են թափվել մոտակա լեռան բեկորները: Դեպքի վայրում աշխատում են փրկարարները:
Երկրաշարժի գոտի է մեկնել փրկարարական 5 թիմ, որոնցից յուրաքանչյուրը բաղկացած է 20 մարդուց, և փրկարարական երկու ուղղաթիռ: Երկրաշարժի գոտում կան ավերված շինությունները, տուժած քաղաքների միջև կտրվել է հեռախոսակապը:
