Ռուսները Թուրքիայում կկառուցեն 2-րդ ատոմակայանը
Ռուսական պետական «Росатом» հոլդինգի գլխավոր տնօրեն Ալեքսեյ Լիխաչեվը հայտարարել է Թուրքիայում 2-րդ ատոմակայանի կառուցման պլանների մասին: Այս մասին տեղեկացնում է ermenihaber.am-ը։
Նա նշել է, որ Թուրքիայի նախագահ Ռեջեփ Թայիփ Էրդողանն է բացահայտ կերպով նշել, որ որոշում կա Թուրքիայում երկրորդ ատոմակայանի կառուցումը վերապահել իրենց:
«Այս պահին աշխատում ենք դետալների վրա: Ամենայն հավանականությամբ նոր շինհրապարակը ստանալու է «Sinop» անունը»:
Բացի այդ ռուսական հոլդինգի տնօրենը հայտարարել է, որ Թուրքիայի Մերսին նահանգում կառուցվող «Աքքույու» ատոմակայանի առաջին էներգաբլոկի կառուցման աշխատանքները 90 տոկոսով կատարված են:
Հիշեցնենք, որ «Աքքույու» ատոմակայանը Թուրքիայի «Միջուկային կարգավորման կազմակերպության» (NDK) թույլտվությամբ կառուցվում է «Росатом»-ի և թուրքական «Akkuyu Nükleer» ՓԲԸ-ի կողմից:
