Աշխարհն առավել քան երբևէ մոտ է միջուկային աղետին. Նազարբաև
Աշխարհն առավել քան երբևէ մոտ է միջուկային աղետին. այս մասին, forbes.kz-ի փոխանցմամբ, հայտարարել է Ղազախստանի նախկին նախագահ Նուրսուլթան Նազարբաևը:
«Այսպիսի հետընթացն ինձ հատկապես անհանգստացնում է, քանի որ մեր երկիրը մեծ ներդրում է ունեցել միջուկային զինաթափման գործում։ Առանց համաշխարհային մակարդակով քաղաքական կամքի գրեթե անհնար է այս ոլորտում շոշափելի առաջընթացի հասնել», – ընդգծել է Նազարբաևը:
Վերջինս նշել է, որ «ապագայում հնարավոր միջուկային էսկալացիայի ֆոնին զենքի չտարածման և զինաթափման հարցերն այսօր պահանջում են հակամիջուկային շարժման բոլոր մասնակիցների ակտիվացում»։
Նա ևս մեկ անգամ վստահություն է հայտնել, որ «միայն փոխզիջումների և ողջամիտ զիջումների միջոցով համաշխարհային հանրությունը կկարողանա դուրս գալ հակամարտությունների արատավոր շրջանակից»:
