Xiaomi-ն խելացի մահճակալ է ներկայացրել
Xiaomi-ն և 8H դիզայներական ստուդիան համատեղ ներկայացրել են նոր էլեկտրական մահճակալ, որը կոչվում է Find Smart Electric: Մահճակալը կառավարվում և կարգավորվում է բջջային հավելվածի միջոցով: Xiao Ai-ի միջոցով կա նաև ձայնային կառավարման աջակցություն:
Մահճակալն ունի 8 տարբեր ռեժիմներ, այդ թվում՝ խռմփոցի դեմ։ Կան հատուկ կարգավորումներ ընթերցանության, յոգայի և հեռուստադիտման համար։ Ընտրված ռեժիմն ազդում է մահճակալի երկու հատվածների դիրքի վրա, մինչդեռ օգտագործողը կարող է կարգավորել թեքության անկյունները՝ մեջքի համար մինչև 60° և ոտքերի համար՝ 40°:
Օգտագործողի հարմարության համար հասանելի է նաև հեռակառավարման վահանակ:
