Սննդաբանը նրբերշիկի և երշիկի անվտանգ չափաբաժինն է անվանել
Փոքր քանակությամբ վերամշակված միս ուտելը չի ազդի ձեր առողջության վրա, սակայն չափավորությունը կարևոր է, ասում է սննդաբան և համաճարակաբան Քերեն Պապիերը։ Նրա մասնագիտական կարծիքը, ըստ shantnews-ի՝ փոխանցում է The Guardian-ը։
Մասնագետը զգուշացրել է, որ ուսումնասիրությունները ցույց են տալիս կապը վերամշակված մսի կանոնավոր օգտագործման և վտանգավոր հիվանդությունների զարգացման միջև։
Մասնագետի խոսքով՝ օրական չափաբաժնի 25 գրամով ավելացումը 52 տոկոսով մեծացնում է Ալցհեյմերի հիվանդության զարգացման հավանականությունը։ Օրական լրացուցիչ 50 գրամը նշանակում է քաղցկեղի զարգացման ռիսկի 18 տոկոս աճ: Բացասական ազդեցությունը կապված է քաղցկեղածին նյութերի հետ, որոնք օրգանիզմում արտադրվում են վերամշակված միս ուտելուց հետո։
Սննդաբանը նշել է, որ առողջությունը պահպանելու համար պետք է հրաժարվել ցանկացած վերամշակված մսից, այդ թվում՝ երշիկեղենից, նրբերշիկից, նագեթներից և ապխտած մսից։ Դրանք կարող են օգտագործվել միայն երբեմն և փոքր քանակությամբ:
«Օրինակ, դուք կարող եք ժամանակ առ ժամանակ ուտել «Պեպպերոնի» պիցցա, բայց ոչ ավելի, քան 70 գրամ օրական. սա վերամշակված մսի օրական անվտանգ չափաբաժինն է»,-ասել է նա:
