Ղրիմի զորավարժարանում մոլեգնող հրդեհի պատճառով տարհանվում են 4 գյուղերի բնակիչներ
Ղրիմի 4 գյուղերի բնակիչներ շուրջ մեկ օրով տարհանվելու են զորավարժարանում բռնկված հրդեհի պատճառով։ Այս մասին իր Telegram ալիքում հայտնել է Ղրիմի ղեկավարի խորհրդական Օլեգ Կրյուչկովը։
Իր հերթին «Газета» պարբերականը հաղորդում է, որ այրվում է զինամթերքի պահեստ։ Ըստ տեղի բնակիչների՝ հրդեհից 5 կմ շառավղով անդադար պայթյուններ են լսվում։ Ըստ նախնական տվյալների՝ տուժածներ չկան։
Ավելի վաղ Ղրիմի ղեկավար Սերգեյ Ակսյոնովը հայտնել էր, որ Կիրովսկի շրջանի զորավարժարանում բռնկված հրդեհի պատճառով արգելափակվել է «Տավրիդա» մայրուղին։ Լաստանավային անցումը և երկաթուղային տրանսպորտն աշխատում են բնականոն հունով։
