Հայաստանի ՄԻՊ-ն ու ԿԽՄԿ-ի ղեկավարը քննարկել են համագործակցությանն առնչվող հարցեր

ՀՀ Մարդու իրավունքների պաշտպան Անահիտ Մանասյանը մայիսի 5-ին ընդունել է Հայաստանում Կարմիր խաչի միջազգային կոմիտեի պատվիրակության ղեկավար Թիերի Ռիբոյին և կոմիտեի պատվիրակության ներկայացուցիչ Նիկոլ Նասենին:

Այս մասին տեղեկացնում են ՄԻՊ-ի գրասենյակից:

Ողջունելով հյուրերին՝ Անահիտ Մանասյանն ընդգծել է մարդու իրավունքների պաշտպանության ուղղությամբ վերաբերելի բնագավառներում կոմիտեի իրականացրած աշխատանքների կարևորությունը:

Հանդիպման շրջանակում անդրադարձ է կատարվել երկու կառույցների համագործակցության ընդլայնմանն ուղղված հարցերին, նաև ՄԻՊ աշխատակազմի կարողությունների զարգացմանն ուղղված քայլերին: