Մարմնամարզիկները երիտասարդների աշխարհի առաջնությունում թիմային պայքարում դուրս են եկել եզրափակիչ
Հայաստանի մարմնամարզության երիտասարդական ընտրանին հաջող է մեկնարկել աշխարհի առաջնությունում:
Թուրքական Անթալիա քաղաքում ընթացող աշխարհի առաջնությունում Հայաստանի ընտրանին թիմային հաշվարկում (բազմամարտ) դուրս է եկել եզրափակիչ: Թիմը հավաքել է 159,161 միավոր:
Հայաստանի հավաքականի կազմում են Էրիկ Բաղդասարյանը, Համլետ Մանուկյանը, Մամիկոն Խաչատրյանը, Մարիետա Բուչախչյանը: Մարզիչներն են Հայկ Նազարյանը և Քնարիկ Բրսոյանը: Հայաստանի տղամարդկանց հավաքականի գլխավոր մարզիչ Հակոբ Սերոբյանը աշխարհի առաջնությունում հանդես է գալիս մրցավարի կարգավիճակում:
