ՆԱՏՕ-ի նախկին գլխավոր քարտուղար Անդերս Ֆոգ Ռասսմուսենը կայցելի Հայաստան
168.am-ի տեղեկություններով` վաղը, մարտի 13-ին Հայաստան է ժամանելու ՆԱՏՕ-ի նախկին գլխավոր քարտուղար Անդերս Ֆոգ Ռասսմուսենը: Նա այդ պաշտոնում եղել է 2009-2014 թվականներին, իսկ 2016-2019թ. Մայիսի 17-ը եղել է Ուկրաինայի նախագահի խորհրդականը:
Արցախի շրջափակման, հայ-ադրբեջանական սահմանի լարվածության, տարածաշրջանի եռացող այս իրադարձությունների ֆոնին այցի նպատակը դեռևս հայտնի չէ, ինչպես նաև հայտնի չէ` հրավիրող կողմը, սակայն մեր աղբյուրները նշում են, որ նա պաշտոնական և ոչ պաշտոնական հանդիպումներից բացի, պատրաստվում է նաև ասուլիսով հանդես գալ:
