Հայտնի է համեմունքը, որը կարող է բարելավել դեռահասների ուսման արդյունքները
Իրանի Բիրջանդի բժշկական գիտությունների համալսարանի գիտնականները հետազոտությունների լայնածավալ վերլուծություն են անցկացրել, որոնք ցույց են տվել, որ դարչինը և դրա ածանցյալները կարող են պոտենցիալ բարելավել դեռահասների հիշողությունը և ուսման արդյունքները: Ըստ shantnews-ի՝ հետազոտությունները հրապարակված են Nutrition Neuroscience ամսագրում:
Դարչինը ստացվում է մշտադալար ծառի ներքին կեղևից, որը բնիկ է Հիմալայներում, Չինաստանում, Հնդկաստանում և Հարավարևելյան Ասիայում: Հետազոտությունները ցույց են տվել, որ դարչինը հակաբորբոքային, հակաօքսիդանտ և հակաքաղցկեղային հատկություններ ունի։ Որոշ աշխատանքներ ցույց են տվել նաև, որ դարչինի կենսաբանորեն ակտիվ միացությունները կարող են բարելավել ուղեղի աշխատանքը, հատկապես հիշողությունը և ուսումը: Նոր հետազոտության ընթացքում գիտնականները որոշել են գնահատել այս բացահայտումների վավերականությունը:
Վերլուծության հեղինակները գտել են 2605 հետազոտություն 2021 թվականի սեպտեմբերի դրությամբ: Դրանցից 40 հետազոտությունները բավարար որակի էին հետագա վերլուծության մեջ ընդգրկվելու համար: Աշխատանքի մեծ մասը կատարվել է կենդանիների կամ մարդկանց վրա, մյուսները՝ բջիջների և հյուսվածքների։
Գիտնականները հաստատել են, որ, ըստ ուսումնասիրությունների, դարչինը կարող է դրականորեն ազդել դարչինով մաստակ ծամած դեռահասների թե՛ հիշողության, թե՛ ճանաչողական ֆունկցիաների վրա։ Մեծահասակների համար արդյունավետության ապացույցները գնալով ավելի քիչ համոզիչ էին:
Հեղինակները նշել են, որ հետագա հետազոտություններ են անհրաժեշտ՝ ճանաչողական ֆունկցիայի վրա դարչինի ազդեցության մասին եզրակացություններ անելու համար։
