Դեղձի 7 զարմանահրաշ հատկությունները

Զարմանալի չէ, որ միջնադարյան բանաստեղծները ամենագեղեցիկ կանանց մաշկը համեմատում էին դեղձի հետ։ Վերջին ուսումնասիրություններն ապացուցել են, որ այս միրգը շատ օգտակար է մեր մաշկի համար։ Ահա մի քանի բոնուսներ, որոնք կստանաք դեղձ ուտելով:

1. Երկարացնում է երիտասարդությունը

Դեղձի մեջ հայտնաբերված վիտամին C-ն խթանում է կոլագենի արտադրությունը, որն էլաստիկություն է հաղորդում մեր մաշկին։ Բացի այդ, այս վիտամինն արգելափակում է ազատ ռադիկալները՝ ծերացման պատճառը:

2. Պարունակում է սպիտակուց

Դեղձի կանոնավոր օգտագործումը ամրացնում է իմունային համակարգը՝ պաշտպանելով մեզ բազմաթիվ վարակիչ և մաշկային հիվանդություններից։ Բացի այդ, դեղձը նպաստում է մաշկի արագ վերականգնմանը։ Իսկ այս մրգի մեջ պարունակվող սպիտակուցն անհրաժեշտ է բազմաթիվ կենսական գործընթացների համար։

3. Բուժում է մաշկի միկրովնասումները

Պտղի միջուկից կամ դեղձի կեղևից պատրաստված դիմակները ոչ միայն խոնավեցնում են մաշկը, այլև օգնում են արագ ապաքինվել միկրովնասումներից:

4. Օգնում է մաշկի վերականգնմանը

Նեկտարինները ոչ միայն սնուցում են մեզ ներսից, այլև օգտակար են կոսմետիկ օգտագործման համար։ Օրինակ՝ դեղձի խյուսից պատրաստված դիմակը՝ խառնված բնական մածունի հետ, հիանալի խոնավեցնող միջոց է չոր մաշկի համար։ Այն նաև կօգնի ազատվել աչքերի տակի մուգ շրջանակներից։

5. Պարունակում է սելեն

Սելենը հզոր հակաօքսիդանտ է, որը դանդաղեցնում է բջիջների ծերացման գործընթացը և նպաստում մազերի և եղունգների աճին:

6.Պաշտպանում է վնասակար ուլտրամանուշակագույն ճառագայթումից

C, K, A վիտամինները և դեղձի բետա-կարոտինը օգնում են մաշկին պայքարել ուլտրամանուշակագույն ճառագայթման դեմ:

7. Պարունակում է վիտամին A

Այս վիտամինն օգնում է կանխել քաղցկեղը։ Վերջին ուսումնասիրությունները ցույց են տվել, որ վիտամին A-ի բարձր չափաբաժինները 32%-ով նվազեցնում են մաշկի որոշ քաղցկեղի առաջացման վտանգը:

Պատրաստեց Անի Գաբուզյանը