Կուլեբան կոչ է արել Գերմանիային անել ավելին Ուկրաինայի համար
Ուկրաինայի արտաքին գործերի նախարար Դմիտրի Կուլեբան կոչ է արել Գերմանիային փակել նավահանգիստները ռուսական արտահանման ու ներմուծման համար, ինչպես նաև ՌԴ բոլոր բանկերն անջատել SWIFT համակարգից: Այս մասին հայտնում է գերմանական Stern պարբերականը:
«Քանի դեռ պատերազմ է ընթանում, ձեր երկիրը պետք է մեզ համար անի ավելին»,- ասել է նախարարը՝ ընդգծելով, որ Գերմանիան վախենում է գնալ «տնտեսական զոհողությունների»:
Կուլեբան տեղեկացրել է, որ անվտանգության նկատառումներից ելնելով՝ նույն վայրում երկու օրից ավել չի աշխատում ու մշտապես փոխում է տեղակայման վայրը: «Ես վատ եմ քնում, գիշերվա ընթացքում երկու-երեք անգամ արթնանում եմ օդային տագնապի պատճառով»,- պատմել է ԱԳ նախարարը:
