Խնդրում եմ աջակցել․ պահեստազորի գնդապետը օգնության կարիք ունի․ Irakanum.am
Պահեստազորի գնդապետ Սուրեն Ռոբերտի Մարտիկյանը ունի առողջական լուրջ խնդիրներ, և օգնության խնդրանքով դիմում է հասարակությանը։
Irakanum.am-ի միջոցովի պահեստազորի գնդապետը խնդրանքով դիմում է բոլոր նրանց, ովքեր կկարողանան օգնել իրեն լուծելու առողջական խնդիրները։ Մարտիկյանը այս պահին գտնվում է հիվանդանոցում։
Ներկայացնում ենք նրա կենսագրական տվյալները։
Ես՝ Սուրեն Ռոբերտի Մարտիկյանս, ծնվել եմ 1973թ. հունիսի 22-ին ՀԽՍՀ ք. Երևանում: 1990թթ. ավարտել եմ Երևանի Հ. Պարոնյանի անվան թիվ 59 միջնակարգ դպրոցը: 1995թ. ավարտել եմ Երևանի պետական համալսարանի պատմության ֆակուլտետը: Ուսման ընթացքում աշխատել եմ Երևանի Լ. Տոլստոյի անվան թիվ 128 դպրոցում, որպես պատմության ուսուցիչ: 1995թ. հոկտեմբերի 2-ին զորակոչվել եմ ՀՀ զինված ուժեր: Եղել եմ ուսումնական դասակի հրամանատար, ուսումնական վաշտի հրամանատարի պաշտոնակատար: 1996թ. մարտ-օգոստոս ամիսներին գործուղվել եմ Երևանի պետական համալսարանի ռազմական ամբիոն, որպես կրակային պատրաստության դասախոս: 1997թ. ապրիլին նշանակվել եմ ՀՀ ՊՆ ԲԶԲՀՈՒ մարտավարության ամբիոնի «Պատերազմների պատմություն և ռազմարվեստ» առարկայի դասախոս:
2003-2007թթ. եղել եմ ՀՀ ՊՆ Վ. Սարգսյանի անվան ռազմական ինստիտուտի կրտսեր սպայական դատարանի անդամ: 2007թ. կրտսեր սպաների համար հրատարակված «Մարտավարություն» երկհատորյակի համահեղինակ եմ: 2000-2003թթ. համատեղության կարգով դասավանդել եմ նաև Երևանի Մ. Հերացու անվան պետական բժշկական համալսարանի ռազմաբժշկական ֆակուլտետում: 2006-2012թթ. եղել եմ ՀՀ կառավարության «Նորավանք» գիտակրթական հիմնադրամի տեղեկատվական կենտրոնի փորձագետ, 2012-2015թթ. նույն հիմնադրամի փորձագիտական խորհրդի անդամ: 2008-2012թթ. հրատատարակված «Մեր հաղթանակները» քառահատորի և 2014թ. հրատարակված «Հայաստանը պատերազմներում» աշխատության հեղինակային խմբերի ղեկավարն եմ եղել:
2007թ. ապրիլին նշանակվել եմ ՀՀ ՊՆ Վ. Սարգսյանի անվան ռազմական ինստիտուտի ռազմարվեստի և ռազմական վարչարարության ցիկլի պետ, իսկ 2016թ. օգոստոսին՝ ինստիտուտը համալասարանի վերակազմավորելու կապակցությամբ նշանակվել եմ Հրամանատարաշտաբային ֆակուլտետի ռազմարվեստի ամբիոնի ավագ դասախոս: 2008-2016թթ. եղել եմ ՀՀ ՊՆ Վ. Սարգսյանի անվան ռազմական ինստիտուտի գիտական խորհրդի անդամ:
Բացի վերը նշված աշխատություններից՝ 12 գիտական հոդվածի հեղինակ եմ: 2017թ.դեկտեմբերին զորացրվել եմ, պահեստազորի գնդապետ եմ: Ամուսնացած եմ, ունեմ երկու զավակ:
Ներկայացնում ենք նաև այն հաշվեհամարը, որի միջոցով կարող եք կատարել ձեր ֆինանսական օգնությունը։ (5571159999959333 HSBC) Անհրաժեշտության դեպքում կտրամադրենք նաև Սուրեն Մարտիկյանի հեռախոսահամարը։
