«էրեբունի» բասկետբոլի ակումբի մի խումբ մարզիկների և «Ռիո Մոլ»-ի անվտանգության աշխատակիցների միջև ծեծկռտուք է եղել
«Ռիո Մոլ» առևտրի կենտրոնի անվտանգության աշխատակիցների և ԱՄՆ քաղաքացիների՝ Երևանի «Էրեբունի» բասկետբոլային ակումբի ներկայացուցիչների միջև ծեծկռտուք է եղել։
Դեպքի առթիվ հարուցվել է քրեական գործ։
Մարտի 14-ին ժամը 18:30-ի սահմաններում ոստիկանության Արաբկիրի բաժին տեղեկություններ են ստացվել, որ Փափազյան փողոցում գործող «Ռիո Մոլ» առևտրի կենտրոնի անվտանգության աշխատակիցները ծեծի են ենթարկել ԱՄՆ քաղաքացիների, ովքեր մարզիկներ են:
«Մարտի 15-ին դեպքի առթիվ հարուցվել է քրեական գործ»,- նշեցին ոստիկանությունից։
