ՌԴ ԱԳՆ-ից հայտնել են՝ ինչ հարցեր է քննարկելու ռուսական կողմը Ուկրաինայի հետ բանակցություններում
Ռուսաստանը մտադիր է խաղաղության հարցեր քննարկել Ուկրաինայի հետ բանակցությունների ընթացքում։ Այս մասին կիրակի օրը լրագրողներին հայտնել է փոխարտգործնախարար Անդրեյ Ռուդենկոն, գրում է ՏԱՍՍ գործակալությունը:
«Առաջին հերթին մենք կխոսենք խաղաղության մասին, թե ինչ է պետք անել, որպեսզի չկրկնվեն բոլոր այն իրադարձությունները, որոնց ականատեսը եղանք 2014 թվականին»,- ասել է Ռուդենկոն։
Ռուդենկոն նշել է, որ Ուկրաինան ինքը պետք է որոշի, թե ինչ մակարդակով կներկայացվի Ռուսաստանի Դաշնության հետ բանակցություններում:
