Առնվազն 23 մարդ է զոհվել Թունիսի ափերի մոտ նավաբեկության հետևանքով. Reuters
Առնվազան 23 աֆրիկացի միգրանտ է խեղդվել Թունիսի ափերի մոտ տեղի ունեցած նավաբեկության հետեւանքով՝ Լիբիայից մինչեւ Իտալիա Միջերկրական ծովը կտրել-անցնելու փորձ անելիս: Այդ մասին Reuters գործակալությանը հայտնել է Թունիսի Կարմիր մահիկի ներկայացուցիչը:
«(Թունիսի) ռազմածովային ուժերը փրկել են 70 միգրանտի, մինչդեռ ուրիշ 23-ը խեղդվել են նավում (…) Լիբիայից Եվրոպա ճանապարհին»,- ասել է նա: Կազմակերպության ներկայացուցիչը հավելել է, որ նավում գտնվել է ավելի քան 90 մարդ, հաղորդել է ՏԱՍՍ-ը:
