«Ադրբեջանական թելեգրամյան ալիքներից մեկը տեսանյութ է տեղադրել, որտեղ Սու-30ՍՄ կործանիչն է թռնում Սև լճի վրա»․ Վահագն Մխոյան
Ֆեյսբուքյան օգտատեր Վահագն Մխոյանը սոցիալական ցանցի իր էջում գրել է. «Ադրբեջանական թելեգրամյան ալիքներից մեկը տեսանյութ է տեղադրել, որտեղ Սու-30ՍՄ կործանիչն է թռնում Սև լճի վրա։
Դնում եմ երկու սքրինշոթ, որ պարզ լինի, որ իսկապես Սու-30-ՍՄ է ու որ պարզ լինի, թե ինչ բարձրության վրա է թռնում ինքնաթիռը։
Որևէ մեկը կարա՞ բացատրի, թե ինչի համար է կործանիչն այսպես թռնում։ Այս բարձրության վրա ու առանց ջերմային ծուղակներ արձակելու։
Նպատակը ո՞րն է, որ ադրբեջանցիները Իգլայով կամ ԴՇԿ-ով կարենան խփե՞ն։ Տենց լավ չի, ավելի լավա տարեք Բաքվում իջացրեք»։
