«Լիվերպուլը» գտել է փոխարինող Սալահի համար
Դորտմունդի «Բորուսիայի» կիսապաշտպան Ջեյդոն Սանչոն կարող է վերադառնալ Անգլիա:
Ինչպես տեղեկացնում է Daily Mail-ը`Bild-ին հղումով, «Լիվերպուլը» հետաքրքրված է կիսապաշտպանին ձեռք բերելու հարցում:
Այնուամենայնիվ, գործարքը կարող է կայանալ միայն այն դեպքում, եթե թիմը վաճառի հարձակվող Մոհամեդ Սալահին, որի հնարավոր հեռանալու մասին նախապես հաղորդվում էր:
Այս մրցաշրջանում Սանչոն 9 գոլային փոխանցում է կատարել Բունդեսլիգայի 23 խաղում:
Սիրարփի Աղաբաբյան
