8 պատճառ՝ ընտրելու iPhone 12-ը iPhone 11-ի փոխարեն
Կա միայն մեկ դեմ փաստարկ՝ արժեքը։
5G
Նոր շարքի հիմնական առանձնահատկություններից մեկը հինգերորդ սերնդի ցանցերին աջակցությունն է, չնայած հիմա դրանք չեն կարող օգտագործվել ամենուր: Բայց ցանցերը ակտիվորեն զարգանում են, ուստի եթե մի քանի տարիվա համար եք սմարթֆոն վերցնում, իմաստ ունի ընտրել 5G մոդեմով մոդելը:
Super Retina XDR դիսփլեյը
Երկու սմարթֆոններն էլ ունեն 6,1 դյույմանոց դիսփլեյ, բայց iPhone 12-ն ունի մի քանի առավելություն: Նախ, դա OLED էկրան է, որն ապահովում է գույների ավելի լավ վերարտադրություն և խնայում է մարտկոցի կյանքը: Երկրորդ, բանաձևը և հակադրությունը զգալիորեն աճել են, ի հայտ է եկել աջակցություն HDR-ին:
Ավելի հզոր պրոցեսոր
5 նմ A14 Bionic չիպը iPhone 12-ում ավելի հզոր և էներգաարդյունավետ է, քան iPhone 11-ի 7 նմ A13 չիպը: Նույն պրոցեսորն օգտագործվում է iPad Air 4-ում, և դա հավանաբար (կամ փոփոխված տարբերակը) կլինի հաջորդ iPad Pro-ում: Նոր չիպի շնորհիվ սմարթֆոնը ոչ միայն կաշխատի ավելի արագ, այլև մեքենայական ուսուցումը նույնպես ավելի արագ կլինի, ինչը կազդի բոլոր AI գործառույթների վրա՝ սկսած Siri-ի առաջարկներից մինչև լուսանկարների ավտոմատ կատարելագործում:
Ֆոտոխցիկ
Ինչպես ցանկացած նոր սերունդ, iPhone 12-ը ստացել է տեսախցիկների մի շարք բարելավումներ: Մասնավորապես, լայնանկյուն ոսպնյակը ավելի մեծ բացվածք ունի, ինչը թույլ է տալիս կադրում ավելի շատ լույս ունենալ։ Սմարթֆոնը նկարում է լուսանկարներ Smart HDR 3-ով, իսկ տեսանյութը՝ HDR- ով` Dolby Vision աջակցությամբ: Առջևի տեսախցիկը կարող է նաև արձանագրել HDR Dolby Video:
IPhone 4-ի դիզայնը
Սա ամբողջությամ ճաշակի հարց է, բայց iPhone 4-ի և iPhone 5-ի նման հարթ եզրագծերի սիրահարները պետք է անպայման ստուգեն նոր մոդելը: Բացի այդ, iPhone 12-ի ամբողջ շարքը գալիս է Ceramic Shield-ով, որի շնորհիվ ավելի հավանական է, որ էկրանը չկոտրվի, եթե ընկնի:
Խոնավության պաշտպանություն
IPhones հեռախոսներն ակնհայտորեն չարժե ձեզ հետ վերցնել ցնցուղ կամ լողավազան, բայց ֆորս-մաժորային իրավիճակի դեպքում iPhone 11-ը կես ժամ կապրի ջրի մեջ 2 մետր խորության վրա, իսկ iPhone 12-ը գոյատևելու է միևնույն ժամանակը, բայց 6 մետր խորության վրա:
Արագ անլար լիցքավորում
Եթե ձեր նպատակը լարերից ազատվելն է, iPhone 12-ը շատ հարմար է․ այն աջակցում է անլար լիցքավորման արագությանը մինչև 15 Վտ, մինչդեռ iPhone 11-ն ունի ընդամենը 7,5 վտ: Եվ նորույթն աջակցություն ստացավ նաև MagSafe մագնիսական պարագաների համար:
Չափերը և քաշը
Չնայած էկրանի նույն չափսին`Apple-ին հաջողվել է նվազեցնել նոր մոդելի չափն ու քաշը: IPhone 12-ի չափսերն են 146.7 x 71.5 x 7.4 մմ, իսկ iPhone 11-ինը՝ 150.9 x 75.7 x 8.3, համապատասխանաբար 164 և 194 գ քաշով:
Սիրարփի Աղաբաբյան
