«Առանց մեկնաբանության»
ՀՀ երրորդ նախագահ Սերժ Սարգսյանի գրասենյակի ղեկավար Մերի Հարությունյանը ֆեյսբուքյան իր էջում տարածել է Սերժ Սարգսյանի վերջին հարցազրույցից մի հատված՝ այն վերնագրելով․ «Առանց մեկնաբանության»
«Հայտարարությունները, թե Ապրիլյան պատերազմը տեղի է ունեցել Ռուսաստանի իմացությամբ, քաղաքական տեսակետից տգիտություն են, Ապրիլյան պատերազմի թեմայով մամուլի ասուլիսի ժամանակ ասել էր ՀՀ 3-րդ նախագահ Սերժ Սարգսյանը:
«Երբ մարդիկ դաշնակիցների վերաբերյալ չստուգված, վարկաբեկող մտքեր են հայտնում, դա ունենում է շատ խորը հետևանքներ՝ և ոչ միայն այդ պահին: ՌԴ-ն մեր ռազմավարական դաշնակիցն է: Այդպիսի հայտարարությունը նշանակում է ուղղակի մեղադրել քո դաշնակցին պատերազմ հրահրելու, այսինքն՝ դավաճանության մեջ: Դա անթույլատրելի է, անթույլատրելի է հատկապես այն պարագայում, երբ ՌԴ-ն մեզ հսկայական օժանդակություն է ցուցաբերել՝ որպես դաշնակից»,– նշեց բանախոսը:
Սերժ Սարգսյանի խոսքով՝ Հայաստանը, մինչև ապրիլյան իրադարձությունները, Ռուսաստանից ստացել է 50 հազար տոննայից ավելի ռազմատեխնիկական օժանդակություն և դրա համար չի վճարել: «Այսպիսի պարագաներում խոսել այն մասին, թե Ռուսաստանի գիտությամբ և հրահրմամբ է տեղի ունեցել Ապրիլյան պատերազմը, սխալի արդյունք է: Չի կարելի նման հայտարարություններ անել: Ապագայում նման մոտեցուներ չպետք է թույլ տրվեն: Որևէ մեկը, բացի Հայաստանից, «Իսկանդեր» չունի: Սա վերաբերմո՞ւնք է, թե՞ ոչ»:
Առանց մեկնաբանության…———————————-Հայտարարությունները, թե Ապրիլյան պատերազմը տեղի է ունեցել…
Gepostet von Meri Harutyunyan am Freitag, 23. Oktober 2020
