Դիլիջանի ոստիկանները բնակիչներից մեկի տանը թմրամիջոց են հայտնաբերել
Ոստիկանությունը շարունակում է թմրանյութերի անօրինական շրջանառության և օգտագործման դեմ հետևողական պայքարը:
Հունիսի 12-ին ոստիկանության Դիլիջանի բաժնի ծառայողները բացահայտեցին հերթական դեպքը:
Ժամը 2-ի սահմաններում քրեական հետախույզները, օպերատիվ տվյալներն իրացնելով, Դիլիջանի Հակոբջանյան փողոցի մի տան ննջասենյակից հայտնաբերեցին յուրահատուկ հոտով, չորացված մանրացված զանգված, իսկ տան հարակից հողամասում` կանեփի 8 թուփ:
Պարզվել է, որ բուսական զանգվածն ու կանեփի թփերը պատկանում են տանտիրոջը:
Հայտնաբերվածն առգրավվել է:
Հանգամանքները պարզվում են:
Փաստի առթիվ նախապատրաստվում են նյութեր:
