Ձեռք բերված տեղեկությունների իսկությունը ստուգելուց հետո կասկածվողը բերման է ենթարկվել ոստիկանության Արմավիրի բաժին
Ոստիկանության Արմավիրի բաժնում տեղեկություններ էին ստացվել, որ Այգեշատ գյուղի 21-ամյա մի բնակիչ Արմավիր քաղաքում մեքենաներից գողություններ է անում: Ձեռք բերված տեղեկությունների իսկությունը ստուգելուց հետո կասկածվողը բերման ենթարկվեց ոստիկանության Արմավիրի բաժին:
Պարզվել է, որ նա հունվար-փետրվար ամիսներին Արմավիր քաղաքի Սայաթ-Նովայի, Չարենցի, Մաշտոցի և Երևանյան փողոցներում կայանված խորհրդային արտադրության չորս մեքենայից մարտկոցներ է գողացել: «ՎԱԶ-2106» և «ՎԱԶ-2107» մակնիշի երկու մեքենայի մարտկոց էլ Նորապատ գյուղում էր հափշտակել:
Տուժողներից ընդունվել է հաղորդում: Կասկածվողը տվել է խոստովանական բացատրություն:
Հանգամանքները պարզվում են:
Փաստի առթիվ նախապատրաստվում են նյութեր:
