Հրդեհ` Շիրակի մարզի Քեթի գյուղում. դեպքի վայր է մեկնել հրշեջ-փրկարարների 3 մարտական հաշվարկ
Հոկտեմբերի 26-ին, ժամը 14:09-ին «911» ծառայություն ահազանգ է ստացվել, որ հրդեհ է բռնկվել Շիրակի մարզի Քեթի գյուղի 7-րդ փողոցի 2/2 հասցեում՝ գյուղապետարանին պատկանող ավտոտնակների տանիքում:
Ըստ ԱԻՆ կայքի՝ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ: Հրդեհը մեկուսացվել է ժամը 16:04-ին, մարվել՝ 23:10-ին: 
Գյուղապետարանին պատկանող ավտոտնակում այրվել են կուտակած խոտ՝ մոտ 150 հակ, ծխահարվել՝ 300-ը, ծղոտ՝ մոտ 100 հակ, ծխահարվել՝ 300-ը և տանիքի փայտյա կառուցատարրեր (մոտ 250 քմ):
Հրդեհաշիջման աշխատանքներին մասնակցել է 1 տրակտոր: 
