«Մանչեսթեր Յունայթեդը» կապ է հաստատել Ալեգրիի հետ
Ինչպես հաղորդում է Tuttosport-ը, անցած շաբաթ «Մանչեսթեր Յունայթեդի» ներկայացուցիչները կապ են հաստատել Մասիմիլիանո Ալեգրիի հետ՝ թիմի գլխավոր մարզչի պաշտոնում աշխատելու տարբերակը քննարկելու համար:
Ըստ աղբյուրի տվյալների՝ նախապես իտալացի մասնագետը ցանկանում էր մեկ մրցաշրջան հանգստանալ մարզչական աշխատանքից, սակայն հետագայում փոխեց մտադրությունը և այժմ պատրաստ է գլխավորել մանկունյանցիներին, եթե ակումբը բավարարի աշխատավարձի իր պահանջները:
Հիշեցնենք, որ այս պահի դրությամբ «Մանչեսթեր Յունայթեդն» Օլե-Գունար Սուլշերի ղեկավարությամբ Պրեմիեր լիգայի մրցաշարային աղյուսակում զբաղեցնում է 12-րդ հորիզոնականը:
Պատրաստեց Անի Գաբուզյանը
