«Կցանկանայի դառնալ նոր Ռոնալդուն». Ֆելիշ
Մադրիդի «Ատլետիկոյի» պորտուգալացի հարձակվող Ժոաու Ֆելիշը խոստովանել է, որ կցանկանար նմանվել «Յուվենթուսի» և Պորտուգալիայի հավաքականի հարձակվող Կրիշտիանու Ռոնալդուին:
«Կրիշտիանու Ռոնալդուն նվաճել է 5 «Ոսկե գնդակ», իսկ այդ տիտղոսը յուրաքանչյուր ֆուտբոլիստի երազանքն է: Իհարկե, ես կցանկանայի դառնալ նոր Ռոնալդուն:
Ես հետևում էի հարձակվողներին, ովքեր խաղում էին «Ատլետիկոյի» կազմում, և նրանք հիանալի ֆուտբոլիստներ էին, հիանալի հարձակվողներ: Ես ուզում եմ դառնալ նրանցից մեկը, և հենց այդ պատճառով ես որոշեցի տեղափոխվել «Ատլետիկո»»,- 19-ամյա Ֆելիշի խոսքերն է մեջբերում ESPN-ը:
Հիշեցնենք, որ Ֆելիշն «Ատլետիկո» է տեղափոխվել լիսաբոնյան «Բենֆիկայից» 126 մլն եվրոյի դիմաց՝ դառնալով մադրիդյան ակումբի պատմության ամենաթանկ ֆուտբոլիստը:
Պատրաստեց Անի Գաբուզյանը
