ՀՀԿ-ն Աբովյանի քաղաքապետի թեկնածուի հարցը չի քննարկել
«Կոտայքի մարզում ՀՀԿ թեկնածուների առաջադրման հարցը դեռ չի քննարկվել»,- այս մասին 168.am-ին ասաց ՀՀԿ կազմակերպչական հանձնաժողովի նախագահ, գործադիր մարմնի անդամ Ռուբեն Թադևոսյանը` պատասխանելով հարցին՝ արդյոք Աբովյան քաղաքի քաղաքապետի ընտրություններում ՀՀԿ-ն թեկնածու առաջադրելո՞ւ է, թե՞ ոչ: «Առաջադրումները կսկսվեն օգոստոսի 19-ից, այդ ժամանակ էլ կտեղեկացնենք»,- հավելել է Թադևոսյանը:
Հիշեցնենք, որ «Բարգավաճ Հայաստան» կուսակցության լրատվության և հասարակայնության հետ կապերի բաժնի տարածած հաղորդագրության համաձայն` սեպտեմբերի 23-ին կայանալիք Աբովյանի ՏԻՄ ընտրություններում ԲՀԿ-ն առաջադրել է գործող քաղաքապետ Կարապետ Գուլոյանի թեկնածությունը:
Նշենք նաև, որ վերջինս ԲՀԿ նախագահ Գագիկ Ծառուկյանի փեսան է:
