Հայկոն մեծ անակնկալ է մատուցելու երկրպագուներին
Սիրված երգիչ Հայկոն հեռուստաեթերում և շոու-բիզնեսային, այսպես կոչված` «տուսովկաներում» շատ քիչ է լինում: Պատճառը ոչ միայն այն է, որ Հայկոն առանձնապես չի սիրում նման հավաքների մասնակցել, այլև այն, որ նա միշտ զբաղված է լինում ստեղծագործական որևէ աշխատանքով: Նոյեմբերին նա անակնկալ կմատուցի իր երկրպագուներին:
168.am-ի հետ զրույցում Հայկոն պատմեց, որ նոյեմբերին ինքը հանդես կգա մեծ մենահամերգով: Համերգն անցկացվելու է Հայաստանի պետական երիտասարդական նվագախմբի մասնակցությամբ, որի գեղարվեստական ղեկավարը և գլխավոր դիրիժորը Սերգեյ Սմբատյանն է:
Հայկոյի առաջիկա ծրագրերի և հայկական շոու-բիզնեսում տիրող իրավիճակի և որոշ խնդիրների մասին 168.am-ի հետ զրույցն ամբողջությամբ ընթերցողին կներկայացնենք առաջիկայում:
