«Մարզիչ Մանչեսթերից». Ալեգրին՝ իրեն փոխարինողի մասին
«Յուվենթուսը» գլխավորող Մասիմիլիանո Ալեգրին ակնարկել է, թե ով է թուրինցիների ապագա մարզիչը:
Երբ երկրպագուն հարցրել է, թե ով է նրան փոխարինելու, Ալեգրին պատասխանել է՝ «Մանչեսթերից մարզիչն արդեն մոտ է»: Այս մասին հաղորդում է Sport Legnano-ն, որի թղթակիցը, իբրև թե, զրույցի ականատեսն է եղել:
«Յուվենթուսի» հաջորդ գլխավոր մարզչի առաջնային թեկնածուն է համարվում ներկայումս «Մանչեսթեր Սիթիում» աշխատող Պեպ Գվարդիոլան: Նշվում է նաև «Տոտենհեմի» գլխավոր մարզիչ Մաուրիսիո Պոչետինոյի անունը:
Հիշեցնենք, որ Մասիմիլիանո Ալեգրին կհեռանա «Յուվենթուսից» մրցաշրջանի ավարտից հետո:
Պատրաստեց Անի Գաբուզյանը
