Ճապոնիայում օրենք է ընդունվել անվճար մանկապարտեզների մասին. Kyodo
Մայիսի 10-ին Ճապոնիայի խորհրդարանի վերին պալատն օրենք է ընդունել անվճար մանկապարտեզների մասին, որն ուժի մեջ կմտնի 2019 թվականի հոկտեմբերին: Ապրիլին այս փաստաթուղթը հաստատվել էր նաեւ ստորին պալատում: Այդ մասին հայտնել է Kyodo գործակալությունը: Նոր օրենքի համաձայն, մանկապարտեզներ հաճախումն անվճար կդառնա 3-ից մինչեւ 5 տարեկան բոլոր երեխաների համար:
Ճապոնիայում երեխաները տարրական դպրոց են ընդունվում վեց տարեկանում: Վերին պալատը մայիսի 10-ին նաեւ ընդունել է օրենք, որը դպրոցի ավագ դասարաններում եւ բարձրագույն ուսումնական հաստատություններում ուսուցումն անվճար է դարձնում ցածր եկամուտներ ունեցող ընտանիքներից սերվածների համար:
Այն ուժի մեջ կմտնի 2020 թվականի ապրիլից: Այս օրինագծերը խորհրդարան են մտցվել վարչապետ Սինձո Աբեի կառավարության կողմից, որը հանդես է գալիս երկրում աստիճանաբար անվճար կրթական համակարգ ներդնելու օգտին եւ դա դարձրել է իր քաղաքական ծրագրի հիմքերից մեկը:
Այդ բարեփոխումները ֆինանսավորելու համար կառավարությունն առաջարկում է ընթացիկ տարվա հոկտեմբերից առքուվաճառքի բոլոր գործողությունների գումարից սպառողական հարկը ներկայիս 8 տոկոսից բարձրացնել մինչեւ 10 տոկոս, հաղորդել է ՏԱՍՍ-ը:
