Արքայազն Հարին և Մեգան Մարքլը որդուն անվանել են Արչի
Մեծ Բրիտանիայի արքայազն Հարին և նրա կինը՝ Մեգան Մարքլը որդուն անվանել են Արչի Հարիսոն Մաունթբաթն-Ուինձոր: Այս մասին հայտարարել է Մեծ Բրիտանիայի թագավորական ընտանիքը:
Մայիսի 8-ին նորածնի ծնողները աշխարհին էին ներկայացրել որդուն:
Տղան յոթերորդ տեղն է զբաղեցնում գահի ժառանգման հերթում՝ պապից՝ արքայազն Չարլզից, հորեղբորից՝ արքայազն Ուիլյամից, արքայազն Ուիլյամի երեք երեխաներից և իր հորից՝ արքայազն Հարիից հետո: Արքայազն Հարիի որդու ծնվելով՝ Մեծ Բրիտանիայի Եղիսաբեթ Երկրորդ թագուհին տատիկ է դարձել ութերորդ անգամ: Արքայազն Հարին և Մեգանը, ինչպես և խոստացել էին, լուսանկարիչների ու հեռուստաօպերատորների են հրավիրել Վինձոր, ուր վերջերս են տեղափոխվել: Ի տարբերություն արքայազն Ուիլյամի կնոջ՝ Քեյթի, դքսուհի Մեգանը չի ցանկացել լուսանկարիչների առջև կեցվածք ընդունել ծննդաբերությունից անմիջապես հետո՝ նախընտրելով առաջին օրերն անցկացնել երեխայի, ամուսնու և իր մոր՝ Դորիայի հետ, որը թոռան ծնվելու կապակցությամբ եկել Է Լոս Անջելեսից:
Արքայազնի որդին ծնվել էր մայիսի 6-ի վաղ առավոտյան, նրա քաշը կազմել էր 3,2 կիլոգրամ:
