Ապրիլի 15-ին Խնկո Ապոր անվան ազգային մանկական գրադարանում կմեկնարկի Ազգային գրադարանային շաբաթը
Ապրիլի 15-ին Խնկո Ապոր անվան ազգային մանկական գրադարանում կմեկնարկի Ազգային գրադարանային շաբաթը, որը կազմակերպվել է Հայկական գրադարանային ասոցիացիայի կողմից, անց է կացվում հանրապետության բազմաթիվ գրադարաններում արդեն երկար տարիներ:
Շաբաթն այս տարի նվիրված է մեծանուն բանաստեղծ Հովհաննես Թումանյանի և կոմպոզիտոր Կոմիտասի 150-ամյակներին: Խնկո Ապոր անվան ազգային մանկական գրադարանը յոթնօրյակին իր մասնակցություն կունենա իր հարկի տակ կազմակերպելով ստեղծագործությունների քննարկումներ, վիկտորինաներ, ցուցահանդեսներ, հեքիաթների ընթերցում, կոմիտասյան և ժողովրդական երաժշտության ունկնդրում և այլն: Միաժամանակ տեղի կունենան այցելություններ հանրապետության այլ գրադարաններ՝ գրադարանավարների և գրադարանների աշխատակիցների փորձի ու գիտելիքների փոխանակման, նոր հմտություններ ձեռք բերելու և դրանք ամենօրյա աշխատանքում կիրառելու նպատակով:
Ազգային գրադարանային շաբաթը կարևորագույն դեր ունի ժամանակակից մշակութային կյանքի համաչափ ու ժամանակաշրջանին համահունչ զարգացման գործում: Գիրքն ընթերցելու, գրքի նկատմամբ սեր, հոգատարություն և պատասխանատվություն ունենալու ձգտումն առաջնային է մարդկանց հոգևոր ու մշակութային դաստիարակության, հետագա զարգացման և ինքնաճանաչողության ճանապարհին: Հենց այս խնդիրների լուծմանն է միտված շաբաթի ամենամյա անցկացումը:
Շաբաթը կտևի 7 օր և կավարտվի ապրիլի 22-ին:
Ներկայացնում ենք Խնկո Ապոր անվան ազգային մանկական գրադարանում անցկացվող Ազգային գրադարանային շաբաթի միջոցառումների ծրագիրը՝
| 1. Ցուցահանդես «Երիտասարդ հայ գրողների գրքեր | 15-ին | |
| 2. Ցերեկույթ «Ժողովրդական գործիքներ» | 15-ին, ժ.12:30 | |
| 3. Գրքի քննարկում.Լևոն Նես «Բալզակ.մի շան պատմություն» | 15-ին, ժ.14:30 | |
| 4.Գրքի քննարկում. Մհեր Իսրայելյան «Մի շան բախտ… » | 16-ին, ժ.15:00 | |
| 5. Գրքի քննարկում Գ. Խանջյան «Ձեռքդ տուր պստլո» | 17-ին, ժ.14:30 | |
| 6. Էլեկտրոնային ծանոթացում «Գրքի և մամուլի թվայնացում» | 17-ին, օրվա ընթ. | |
| 7. Վիկտորինա «Մեր շրջակա աշխարհը» | 18-ին, ժ.14:00 | |
| 8.Հեքիաթապատում. Հովհաննես Թումանյան «Հեքիաթներ». պատմում է դերասան Ստ.
Շահինյանը / Մ.Յոլյանի անվ. արյունաբանական կենտրոն/ |
18-ին,ժ.15:30 | |
| 9. Պատմվածքի քննարկում Ա. Սերոբյան «Վասիլը»/7գույն գրքից | 19-ին, ժ.12:00 | |
| 10. Ցերեկույթ «Ֆրանսիական մանկական պոեզիայի էջերից» /Ֆրանկոֆոն. շրջ./ | 19-ին, ժ.14:30 | |
| 11. Բարձրաձայն ընթերցանությունների շարք Հովհ. Թումանյան «Պատմվածքներ» | շաբաթվա ընթացքում | |
| 12. Երաժշտական կոլեկտիվ ունկնդրումների շարք «Կոմիտաս » | շաբաթվա ընթացքում | |
| 13. Հեքիաթապատումների շարք. «Ֆրանսիական հեքիաթներ»/Ֆրանկոֆոն. շրջ./ | շաբաթվա ընթացքում | |
| 14. Այցելություններ գրադարաններ | շաբաթվա ընթացքում | |
| 15. ԱԳՇ- ի արդյունքների ամփոփում | Ապրիլի 22 |
