Զախարովան անպատասխանատու է որակել Գոլանի բարձունքների վերաբերյալ Թրամփի արած հայտարարությունը
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան անպատասխանատու է որակել Վաշինգտոնի կողմից Գոլանի բարձունքների նկատմամբ Իսրայելի լիակատար սուվերենության ճանաչման անհրաժեշտության վերաբերյալ ԱՄՆ-ի նախագահ Դոնալդ Թրամփի արած հայտարարությունը։
«Այդօրինակ հայտարարությունները, որոնք, մեր կարծիքով, արվում են անպատասխանատու կերպով, կարող են իրապես բացասական ազդեցություն գործել (մերձավորարեւելյան կարգավորման գործընթացի վրա),- ասել է դիանագետը «Ռոսիա 24» հեռուստաալիքի եթերում:- Իրոք, դրանք կարող են ազդել տարածաշրջանի իրադրության էլ ավելի ապակայունացման վրա»:
Ավելի վաղ Թրամփը Teitter-ում հայտարարել է, որ ԱՄՆ-ը պետք է ճանաչի Իսրայելի լիակատար սուվերենությունը Գոլանի բարձունքների նկատմամբ: Ըստ որում Սպիտակ տունը եւ Պետդեպարտամենտը չեն պարզաբանում նախագահի արած հայտարարությունը:
1944 թվականից Սիրիային պատկանող Գոլանի բարձունքներն Իսրայելը գրավեց 1967 թվականի Վեցօրյա պատերազմի ընթացքում: 1981 թվականին Իսրայելի խորհրդարանն ընդունեց օրենք, որով միակողմանի կարգով հռչակեց հրեական պետության սուվերենությունը Գոլանի բարձունքների նկատմամբ: Անեքսիան անվավեր է ճանաչվել ՄԱԿ-ի Անվտանգության խորհրդի 1981 թվականի դեկտեմբերի 17-ի թիվ 497 բանաձեւով, հաղորդել է ՏԱՍՍ-ը:
