Թուրքիայում ռումբ վնասազերծող ռոբոտ են արտադրել
Թուրքական «ASELSAN» ռազմարդյունաբերական ընկերության կողմից արտադրված ռումբ վնասազերծող ռոբոտն արդեն հանձնվել է շահագործման:
Այս մասին տեղեկացնում ermenihaber.am-ը:
Ռոբոտը սկսել է օգտագործվել Ստամբուլի անվտանգության ուժերի սակրավորների ստորաբաժանումներում։
Ստամբուլում այս պահին 3 նման ռոբոտ է օգտագործվում։ Այն ունակ է աշխատելու մինչև -20 աստիճան ցուրտ և +69 աստիճան շոգ եղանակային պայմաններում։ Կարող է առանց ընդմիջման աշխատել 4 ժամ։ Ռոբոտը հնարավորություն ունի աշխատելու նաև ստորջրյա տեղանքում:
Հետաքրքրական է, որ ռոբոտին տրվել է Օսմանյան կայսրության առաջին սուլթան Օսման առաջինի հոր՝ Էրթուղրուլի անունը։
