Ով է նորանշանակ փոխնախարարը
Այսօր ՀՀ Աշխատանքի և սոցիալական հարցերի նախարար Զառա Բաթոյանն իր ֆեսբուքյան պատին հրապարակեց իր առաջին կադրային նշանակումը՝ նախարարի դիրքերից:
«Վարչապետ Նիկոլ Փաշինյանը որոշում է ստորագրել Ժաննա Անդրեասյանին Աշխատանքի և սոցիալական հարցերի նախարարի տեղակալ նշանակելու մասին:
«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝
Ժաննա Անդրեասյանին նշանակել աշխատանքի և սոցիալական հարցերի նախարարի տեղակալ»,- ասված է որոշման տեքստում:
Իսկ նորանշանակ փոխնախարար Ժաննա Անդրեասյանը, ով Վ. Բրյուսովի անվան պետական լեզվահասարակագիտական համալսարանի դասախոս է և միաժամանակ սոցիոլոգ, պարզվում է, մեր գործընկերոջ՝ Հանրային հեռուստաընկերության լրատվական քաղաքական բաժնի ղեկավար Պետրոս Ղազարյանի կինն է:
Նշենք, որ Ժաննա Անդրեասյանը 2016 թվականից Սոցիոլոգիայի միջազգային ընկերակցության անդամ է։
Մի շարք հրապարակումների հեղինակ է և անկուսակցական:
ՍՅՈՒԶԻ ԲԱԴՈՅԱՆ
